بسم الله الرحمن الرحيم
والصلاة والسلام على اشرف الانبياء والمرسلين محمد صلى الله عليه وسلم


نظرا لكثره الاستفسار عن مادة التوجية الاسلامي <~ ماتنلامون كنا مثلكم مقادير التوجيه الإسلامي  (309)

بداية

مثل ماهو موضح في العنوان , مقادير التوجية الاسلامي , طبعا أنا وزميلاتي كنا مثلكم والله ماندري وش الطبخة , لكن يوم بدينا نشتغل ع البحث عرفنا السالفة

فيه نقاط أساسية لازم تعرفونها قبل لاتسوون البحث

أكثركم للحين ... يجهل وش معنى توجيه اسلامي <~ بالله ماهقكم بها العبدالوهاب مقادير التوجيه الإسلامي  (170)

أنا اقولكم الزبدة /
شايفين العلوم التربويه اللي ندرسها كلها , غالبيتها أو معظمها هي نتاج تفكير الغرب , فيها أشياء وتصورات ماتلائم ديننا ولا قيمنا ,

طيب وش السواة وحنا مسلمين , هل يصلح إننا ناخذ كل هالعلوم والمعارف من الغرب بزينها وبشينها , بصحها وبخطأها ,,, طبعا لا

عشان كذا ظهر مايسمى بالتوجيه الإسلامي للتربية , بمعنى إننا ناخذ العلوم اللي كما هي عند الغرب ونعيد بناءها على نهج الإسلام ونعيد صياغتها اسلاميا .

أضرب لكم مثال <~ من بحثنا تراه مقادير التوجيه الإسلامي  (170)

مثلا التغير الإجتماعي , نقول مثلا تكلم عنه واحد غربي اسمه أوجبران مثلا نكتب عنه ووش قال , ونكتب كل ماقاله الغرب وألفوه مو شرط تكون نظريه , لو أي شي بس مافيه لفظة اسلام أو مافيه واحد مسلم قال أو كتب .

طيب هنا لازم نوجه التغير الاجتماعي توجيها اسلاميا

يعني نرجع للكتب والرسائل التي تناولت مثلا التغير الاجتماعي من الناحية الاسلامية , ونقول إن التغير عرف من عهد الرسول , فغير المجتمع الوثني إلى مجتمع مسلم و و و و .... الخ وفيه ابن خلدون تكلم عنه و و و .... ومن سنن الله التغير ....هذا طبعا كله راح تلقونه بكتب أو رسائل التوجيه

عرفتوا ,, يعني تقارنون بين وجهة نظر و كلام الغرب ووجهة نظر وكلام المسلمين ,,


شي آخر مهم جدا لما تجون تبحثون .

مو شرط تلقون شي يحمل اسم التوجيه الإسلامي لكذا ولكذا , هناك مترادفاات لمعنى التوجيه ومنها
- التأصيل , رؤيه تأصيليه , ... .
- الأسلمه .
- استخدام الاسلام وصف لهذه العلوم / مثل : علم النفس الإسلامي , علم النفس في الإسلام .....
- من منظور اسلامي , أو من وجهة النظر الإسلامية .